Bärg-Gschänk
Bes de Grond deför, dass höt öpper lächlet.
Was esch "Bärg-Gschänk"?
Mine Name esch Corinna Bucher. Ech be sGsecht hender "Bärg-Gschänk". De gröscht Teil vo mine beshär 24 Läbensjohr hani im höchscht glägne Dorf am Napf, im schöne MänzBärg verbrocht. Brueflech beni met vöu Härzbluet i de Hotellerie/Hauswirtschaft im Altersheim tätig.
I minere Freizit beni sehr vöusitig beschäftigt. Die Websitgrösche söu för eis vo mine gröschte Hobbies sie: s'Baschtle, Wärche, Dekoriere ond Gstalte. Scho sedi mag dänke, beni emmer sehr kreativ gse ond be das bes höt blobe. Es macht mer vöu Freud, zom Bispöu useme gwöhnleche Holzlädeli öppis ganz speziells zkreiere.
De Sproch: "Be the reason someone smiles today." oder of schwizerdütsch: "Bes de Grond deför, dass höt öpper lächlet." begleitet mech im Arbetsalltag wie ou i min Privatläbe. Drom freuts mech omsomeh, wenn ech met mine Gschänkidee anderne Lüüt cha es Lächle is Gsecht zoubere :)
Vöu Vergnüege bim dri luege!
Corinna
Hesch e spezielli Vorstellig?
Hesch du e spezielli Vorstellig, chasch si aber säuber ned omsetzte?
I dem Fau chasch mech gärn kontaktiere. Ech probiere emmer weder gärn neui Sache met diverse Materialie us. Wär weiss, vellecht entstod öppis ganz tolls us dinere Idee... :)
Galerie
Do gsehsch es paar Idröck, was i de legschte Johre bi Bärg-Gschänk abgseh vom fixe Agebot entstande eschs...
Einigi Sache devo si no z'ha oder chöi nocheproduziert wärde.
Die fixe Agebot fendsch onder de Sparte:
Blueme
Holzartikel
Hochzeit
Gebortstag
Ostere
Wiehnachte
